Baydhabo,(insidesomalia.org,)-Qaar ka mid ah odayaasha dhaqanka beelaha Digil iyo Mirifle ayaa waxa ay wadaan dedalo ay ku doonayaan in inta badan Gobolada Konfureed loogu sameeyo Maamul Mamadax banaan.

Dedaaladani oo ay wadaan odayasha Dhaqanka,waxgaradka iyo Siyaasiyiinta Beelaha Dgil iyo Mirifle ayaa waxaa ay ku doonayaan in Maamul Goboleed loogu sameeyo Gobolada Bay,Bakool,Gedo,Jubooyinka iyo Gobolka Shabelaha hoose oo ay leeyihiin beelahaasi Digil iyo Mirifle.

Shirar isdaba joog ah oo ay lahaayeen Beelahani ayaa waxaa ay ku doorteen Gudoomiye ay yeesheen Beelaha Digil iyo Mirifle, taasi oo weli ay daba socdaan qorsheyaal ay ku doonayaan in goboladooda ay yeeshaan Maamul u gooni ah oo madaxbanaan.

Guudoomiyaha la doortay Axmed Max’ed Yacquub oo ka hadlayay kadib doorashadiisa ayaa waxaa uu sheegay in uu ku dedaalayo sidii uu isugu keeni lahaa Beelaha uu gudoomiyaha u yahay, isla markana uu u soo celin lahaa dhulka ay tabanayaan Beelahaasi in laga heeysto sida u sheegay.

Xildhibaan Max’ed Isaaq Afaraale oo ka socday Xildhibaanada Baarlamaanka Federaalka KMG ag ee Soomaaliya, isla makranaa qeyb ka ahaa doorashada Masulkasi lagu caleemo saaray ayaa waxaa uu sheegay in la qaaday tilaabo xiligii ay ku habooneeyd, isla markaana lagu gaari karo Hormar wanaagsan.